ხანძარი ავლაბარში – ცეცხლი საცხოვრებელი კორპუსის ბოლო სართულზე გაჩნდა, დამწვარია სხვენიც. დაშავდა ერთი ადამიანი. დამწვრობა მან ფეხებზე მიიღო – სასწრაფო დახმარების ბრიგადამ დაშავებული კლინიკაში გადაიყვანა.
ხანძრის გამომწვევი მიზეზი ამ ეტაპზე უცნობია. ადგილზე მობილიზებული იყო 15 სახანძრო-სამაშველო ეკიპაჟი.
„ხანძარი გავრცელებული იყო მესამე სართულის საცხოვრებელ ბინებში და ასევე – სასხვენო გადახურვაზე. მეხანძრე-მაშველებმა დროულად მოახდინეს რეაგირება, დაახლოებით 15 ერთეული ავტოცისტერნა იყო მობილიზებული ხანძრის ადგილზე. მეხანძრე-მაშველების სწრაფი რეაგირების შედეგად, დროულად მოხდა ხანძრის ლოკალიზება და ასევე, ლიკვიდაცია. დაშავებულია ერთი მოქალაქე, რომელმაც მიიღო ქვედა კიდურზე დაზიანება და შესაბამის სამსახურის მიერ გადაყვანილი არის კლინიკა. ხანძრის მიზეზს რაც შეეხება, უნდა იმუშაოს შესაბამისმა სამსახურმა, რომელიც დაადგენს გამომწვევ მიზეზს“, – აცხადებს თბილისის სახანძრო-სამაშველო ძალების მთავარი სამმართველოს უფროსი ლევან მუსელიანი.