ავლაბარში, საცხოვრებელი კორპუსის სასხვენო გადახურვაში ხანძარი გაჩნდა.
ხანძრის შედეგად ერთი ადამიანი დაშავდა, რომელიც სასწრაფო დახმარების ბრიგადამ კლინიკაში გადაიყვანა. მისი მდგომარეობა ამჟამად დამაკმაყოფილებელია.
როგორც “ინტერპრესნიუსს” საგანგებო სიტუაციების მართვის სამსახურში განუცხადეს, ადგილზე ამ დროისთვის სახანძრო სამაშველო ჯგუფები მუშაობენ. უწყების ცნობით, ცეცხლი ლოკალიზებულია და მისი სალიკვიდაციო სამუშაოები მიმდინარეობს.