“მთავარი არხის” გენერალურ დირექტორს, პატიმრობაში მყოფ ნიკა გვარამიას შვილმა, გიკო მაისურაძემ დაბადების დღე პირდაპირ ეთერში ემოციური სიტყვებით მიულოცა.
“ნიკა პირველ რიგში მინდა გითხრა, რომ ძალიან მენატრები, ძალიან მიყვარხარ და ძალიან მინდა ამ დღეს შენს გვერდით ვიდგე, მაგრამ სამწუხაროდ დღევანდელი გარემოებები ხელს გვიშლის ერთმანეთის თუნდაც Face Time-ით ნახვას და ამაზე ძალიან მწყდება გული. მე ვიცი, რომ შენ ძალიან მაგრად და პოზიტიურად ხარ. მინდა მოგილოცო 46-ე დაბადების დღე და შეგახსენო რომ შენ ჩემთვის განსაკუთრებით მნიშვნელოვანი ადამიანი ხარ. მე სულ შენთან ერთად ვიქნები, რაც არ უნდა შორს ვიყოთ ერთმანეთისგან.
მინდა გისურვო გენახოს სრულიად თავისუფალი საქართველო, ვხვდები რას ნიშნავს შენთვის შენი ქვეყნის მომავალი და მე მინახავს შენი ყოველდღიური თავდადებული შრომა შენი ქვეყნის უკეთესი მომავლისთვის. მინდა გითხრა, რომ მე შენით ძალიან ვმაყობ. ზუსტად ვიცი, რომ შენნაირ მიზანმიმარტულ და პატრიოტ ადამიანს ეს პატარა შეფერხება არაფერს არ დააკლებს.
რაც არ უნდა მოხდეს შენ ხარ თავისუფალი ქართველი და უძლიერესი ლიდერი. მე დარწმუნებული ვარ მალე ყველანი ვიზეიმებთ შენთვის უსაყვარლესი ქვეყნის წინსვლას და თავისუფლებას. ჩემი აზრით ეს შენთვის ყველაზე მაგარი საჩუქარი იქნება, ყველანაირი საჩუქრიდან რაც არსებობს.” – განაცხადა გიკო მაისურაძემ