„კარგი ამბები მოდის ოკეანის იქიდან“ — ასე აფასებს „ლეიბორისტული პარტიის“ ლიდერი შალვა ნათელაშვილი აშშ-ის კონგრესში მიღებულ საკანონმდებლო ინიციატივებს, რომლებიც, მისი თქმით, „ქართული ოცნების“ ხელისუფლებასა და მის საერთაშორისო კავშირებს ეხება. ამის შეასხებ მან საგანგებო ბრიფინგზე ისაუბრა.
ნათელაშვილის განცხადებით, კონგრესმა მხარი დაუჭირა ორ აქტს, რომლებიც “ოცნების” ხელისუფლების შესაძლო კავშირების შესწავლას ითვალისწინებს რუსეთთან, ჩინეთთან და ირანთან, ხოლო ეს ნაბიჯები, მისი შეფასებით, „ივანიშვილის რეჟიმის დასრულებისკენ“ არის მიმართული.
ოპოზიციონერი პოლიტიკოსი აცხადებს, რომ საერთაშორისო მხარდაჭერა საქართველოს დემოკრატიული ცვლილებების პროცესში გადამწყვეტ როლს ითამაშებს და “ოცნებას” ვადამდელი არჩევნების დანიშვნისკენ მოუწოდებს.
“კარგი ამბები მოდის ოკეანის იქიდან. მსოფლიომ იცის, რომ ოლიგარქი სისხლიანი ხელებით ჩაბღაუჭებულია ძალაუფლებას და ჩვენგან მოპარულ მილიარდებს, რომელთა არდასათმობადაც მზად არის, საქართველო გადაიყვანოს ცივილიზებული განვითარების მთავარი მაგისტრალიდან გადაჩეხოს უფსკრულში, რასაც ჩვენი მებრძოლი ხალხი არასდროს შეურიგდება და ამ დიდ ბრძოლაში გვერდით გვიდგას მოკავშირეთა სამყარო აშშ-ს ხელმძღვანელობით, რომლის კონგრესმაც მიიღო კიდევ ორი საკანონმდებლო აქტი ივანიშვილის ტირანული რეჟიმის დასამთავრებლად. მოგეხსენებათ თანაავტორების მთელი ამ პაკეტების საქართველოს “ლეიბორისტული პარტიაც” არის, ამით ვამაყობთ და დარწმუნებული ვართ, საქმე მივა ბოლომდე – ქართველი ალხის გამარჯვებამდე. აღნიშნული საკნაონმდებლო აქტებზე კონგრესში უკვე კენჭი ნაყარია.
იგი მოიცავს რეჟიმის ურთიერთობათა შესწავლა-გამოძიებას რუსეთის, ჩინეთის, ირანის სპეცსამსახურებთან, მათ შორის ტერორისტული თანამშრომლობის დარგშიც და გარდა ამისა, სპეციალური ბლოკი შეტანილია აშშ-ს თავდაცვის ყოველწლიურ ავტორიზაციის პაკეტში, რომელიც წარმოადგენს მთავარ საკანონმდებლო დოკუმენტს ამ სახელმწიფოს საშინაო და საგარეო პოლიტიკისთვის. მეგობარი აქტი ასევე ჩენი თანაავტორობით და ინიციატივით მიღებული კონგრესში კვლავ სენატშია და განხილვაში გახლავთ და მთელ ფაქტორთა ეს რაოენობა, რაც წარმოადგენს განაჩენს ივანიშვილის და მისი დანაშაულებრივი რეჟიმის წინააღმდეგ, ნიშნავს იმას, რომ ამ სისტემას გადარჩენის შანსი არ გააჩნია. მათ უნდა აიკრიფონ გუდა-ნაბადი, დათმონ უკანონოდ მოპოვებული ძალაუფლება, დანიშნონ ახალია ვადამდელი არჩევნები და თვითონ არცერთ შემთხვევაში არ უნდა იფიქრონ ამ არჩევნებში მონაწილეობაზე. სხვა შემთხვევაში, ივანიშვლმა და მისმა ხროვამ ჩინეთის სახალხო ესპუბლიკასთან კი არა, რაც დღეს გავიგეთ, კოსმოსურ ცივილიზაციებთან რომ გააფორმოს კონტრაქტი თანამშრომლობაზე და პარტნიორობაზე, მათ არაფერი უშველით და არაფერი გადაარჩენთ. ამ ბანდას ემურება სისხლის სამართლებრივი დევნა, მრავაწლიანი ციხეები თუ სამუდამო არა და საერთაშორისო ტრიბუნალიც. რაც მალე გაიგებენ და შეიგნებენ ამ ელემენტალურ ჭეჭმარიტებას, მით შეიძლება უკეთესი იყოს, პირველ რიგში, მათთვისაც” – განაცხადა ნათელაშვილმა.