რუსები უკრაინის ომს ზუსტად ისევე იგრძნობენ, როგორც ამას ახლა ყველა უკრაინელი განიცდის, – განაცხადა უკრაინის პრეზიდენტმა, ვოლოდიმირ ზელენსკიმ.
სახელმწიფოს მეთაურის თქმით, უკრაინა პასუხობს რუსულ დარტყმებს, თუმცა ამჟამად არ გააჩნია იმდენივე რესურსი, რამდენიც მტერს.
ამავდროულად, ზელენსკი დაჰპირდა, რომ უკრაინა მიაღწევს რაკეტებისა და დრონების წარმოების იმგვარ დონეს, რაც მას რუსულ თავდასხმებზე სრულფასოვანი პასუხის გაცემის საშუალებას მისცემს.
„რუსეთს ესმის, რომ თუ ჩვენ გვექნება 600 ან მეტი დრონი და რაკეტა [დღეში], ისინი ამ ომს ისევე იგრძნობენ, როგორც ჩვენ ვგრძნობთ მას“, – დასძინა პრეზიდენტმა.