“ჩვენ სტუდიას შეუკვეთეს ჯემფესტის გადაღება ანაკლიაში და რა ნახა ჩემმა თვალებმა – ზღვის პირას პრაქტიკულად შიშველი გოგოები და ბიჭები ერთად ცეკვავენ და ერთმანეთს არ უყურებენ…” – გოგა ხაინდრავა

გოგა ხაინდრავა “იმედის” ეთერში საუბრობს და აცხადებს, რომ ღამის კლუბებიდან გამოდის ბევრი ისეთი რამე, რაც მერე უბედურების წინაპირობა ხდება:

“ის მანკიერება, რომელსაც ჩვენ დღეს ვხედავთ საიდან მოდის. რას მოაქვს ეს მანკიერება. ყველა არა რა თქმა უნდა – ღმერთმა დამიფაროს მე ახლა მორალისტობისგან, მაგრამ ამ ღამის კლუბებში – ამ ღამის კლუბებიდან გამოდის ბევრი ისეთი რამე, რაც მერე წინაპირობაა უბედურების. ჩვენ ყველამ კარგად ვიცით ნარკომანიით დაწყებული და ის უბედურება რაც იქ ხდება. თავის დროზე ისე მოხდა, რომ ჩვენ სტუდიას შეუკვეთეს ჯემფესტის გადაღება იქ ანაკლიაში. 1 თვე ვიყავით იქ და რა ნახა ჩემმა თვალებმა – წარმოიდგინეთ, ზღვის პირას – 30 მეტრში ზღვის პირას პრაქტიკულად შიშველი გოგოები და ბიჭები ერთად ცეკვავენ და ერთმანეთს არ უყურებენ. გიორგი, ეს რო დავინახე, იქ რომ მივედი და ეს რომ დავინახე – ახალგაზრდა ბიჭები, ჯან-ღონით სავსე, აფროდიტების გვერდით ცეკვავენ და ერთმანეთს არ უყურებენ – არანაირი კონტაქტი არ არის, ისეთი უბედურებაა ის, რასაც ხმარობენ…” – ამბობს ხაინდრავა.