“აფგან სადიგოვი ნიღბიანმა პირებმა წაიყვანეს” – რა ინფორმაციას ავრცელებს ჟურნალისტის მეუღლე?

აზერბაიჯანელი ჟურნალისტი, აფგან სადიგოვი სამოქალაქო ტანსაცმელში გამოწყობილმა ნიღბიანმა პირებმა წაიყვანეს – ამის შესახებ მისი ცოლი სოციალურ ქსელში წერს.

სევინჩ სადიგოვას ცნობით, შენიღბულ პირებს საქართველოდან დეპორტირებული ჟურნალისტისთვის არ უთქვამთ სად და რატომ მიჰყავდათ ის.

ახლახანს, 4-5 ნიღბიანი და სამოქალაქო ტანსაცმელში გამოწყობილი პირი შეიჭრა იმ ადგილას, სადაც აფგანი იმყოფებოდა და ძალადობრივად წაიყვანეს. მათ არ მისცეს ინფორმაცია იმის შესახებ, თუ სად და რატომ მიჰყავდათ იგი,” – წერს სევინჩ სადიგოვა.