“[პაპუნა ლოცულაშვილი] რომ სცემეს, მაგ [საქმის] მონაწილე ყოფილა, როგორც თქვეს…” – რას ამბობენ გორში გარდაცვლილ პოლიციელზე

“ფორმულასთან” გორში გარდაცვლილ პოლიციელზე ადგილობრივი საუბრობს:

“ამბობენ, იჭერდნენო… თუ იჭერდნენ თავი რაზე მოიკლა, იმ საცოდავმა… [პაპუნა ლოცულაშვილი] რომ სცემეს, მაგ [საქმის] მონაწილე ყოფილა, როგორც თქვეს… ჭორის დონეზე თქვეს” – ამბობს იგი.

გორის მუნიციპალიტეტის სოფელ ატენში, გორის პოლიციის განყოფილების დეტექტივი ბაქარ ბექაური გუშინ გარდაცვლილი იპოვეს. პროკურატურა საქმეს თვითმკვლელობამდე მიყვანის მუხლით იძიებს.

მონაწილეობდა თუ არა გარდაცვლილი პოლიციელი გორში, პაპუნა ლოცულაშვილისა და მისი მეგობრის ცემაში უცნობია. საგამოძიებო უწყება დეტალებს არ ასაჯაროებს.