“სამმხრივი ომის პარტია დამარცხებულია…” – რას ამბობს ნიკოლ ფაშინიანი გამარჯვების შემდეგ

პრემიერ-მინისტრმა ნიკოლ ფაშინიანმა მოქალაქეებს საპარლამენტო არჩევნების შედეგები მიულოცა და განაცხადა, რომ ხალხმა მშვიდობა დაიცვა და მომავლისთვის იბრძოლა.

სომხური მედიის ინფორმაციით, ფაშინიანის თქმით, ბლოკი „ძლიერი სომხეთი“, ბლოკი „სომხეთი“ და პარტია „აყვავებული სომხეთი“, რომელსაც მან „სამმხრივი ომის პარტია“ უწოდა, დამარცხდნენ.

„პირველ რიგში, მინდა მივულოცო სომხეთის რესპუბლიკის ხალხს 2026 წლის 7 ივნისს ჩატარებული არჩევნების შედეგად გამარჯვება. მათი ხმით სომხეთის ხალხმა სახელმწიფო დაიცვა, დაიცვა დამოუკიდებლობა, მომავლისთვის, მშვიდობისთვის და თავად სომხეთის რესპუბლიკისთვის. უნდა აღვნიშნო, რომ სამმხრივი ომის პარტია დამარცხდა. ხალხმა ნათლად გამოხატა თავისი ნება, რომ სამმხრივი ომის პარტია და მასთან დაკავშირებული კრიმინალურ-ოლიგარქიული სისტემა უნდა აღმოიფხვრას სომხეთის რესპუბლიკიდან. რა თქმა უნდა, ეს იქნება პოლიტიკური უმრავლესობისა და მთავრობის ერთ-ერთი უმნიშვნელოვანესი დღის წესრიგი, რომელიც ჩვენ დაუყოვნებლივ და ძალიან გადამწყვეტი და მტკიცე ნაბიჯებით უნდა განვახორციელოთ. ასევე მინდა მივულოცო „სამოქალაქო კონტრაქტის“ პარტიას გამარჯვება. „სამოქალაქო კონტრაქტის“ პარტიას ეყოლება საპარლამენტო უმრავლესობა და ჩამოაყალიბებს მთავრობაა“, – აღნიშნა ფაშინიანმა.