“სუსტი პასუხია. მას უბრალოდ არ სურს ომის დასრულება” – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს და ვლადიმერ პუტინის განცხადებას ეხმაურება, რომელმაც თავის მხრივ მის [ზელენსკის] ღია წერილს უპასუხა.
ზელენსკის თქმით, სამწუხაროდ, რუსული მხარე კვლავ ომს ირჩევს.
“სამწუხაროდ, რუსული მხარე კვლავ ომს ირჩევს – ყველამ გაიგო დღევანდელი პასუხი. სუსტი პასუხი. მას უბრალოდ არ სურს ომის დასრულება. ვფიქრობ, რომ მსოფლიოში ბევრი იმედგაცრუებული დარჩა ამ პასუხით. მას არაფრის შეცვლა არ სურს და არ სურს აღიაროს, რომ მისი ომი მხოლოდ მას და მათ მოსწონს, ვინც მისგან ფულს იღებს – დღეს ყველა ძალიან იღიმებოდა. ეს ნიშნავს, რომ რუსეთში ნაკლები ფული უნდა იყოს და რუსეთზე მეტი ზეწოლა. მადლობას ვუხდი ყველას, ვინც გვეხმარება! მადლობას ვუხდი ყველას, ვინც უკრაინასთან არის, ვისაც ნამდვილი მშვიდობა სურს,” – წერს ვოლოდიმირ ზელენსკი.
ზელენსკიმ პუტინს ღია წერილით მიმართა და დაწერა, რომ უკრაინა ომის დასრულების წინადადებით გამოდის. შეხვედრას გთავაზობთ, – წერს ზელენსკი.
ზელენსკის თქმით, უკრაინის პრეზიდენტს არაფერი ესაქმება მოსკოვში, ისევე, როგორც რუსეთის ლიდერს კიევში, შესაბამისად, ასახელებს ქვეყნებს, რომლებიც მასპინძლობენ ლიდერებს ომისა და მშვიდობის საკითხების მოსაგვარებლად.