“ივანიშვილი არის პატარა პუტინი” – ამის შესახებ “ლეიბორისტული პარტიის” ლიდერმა, შალვა ნათელაშვილმა განაცხადა.
მისი თქმით, ყოველთვის უნდა გვახსოვდეს ის ადამიანები, ვინც აშშ-ში და დასავლეთის ქვეყნებში საქართველოს მხარს უჭერდნენ, “ამ მძიმე ჟამს”, რათა მადლიერები ვიყოთ და არ დავივიწყოთ მათი თანადგომა.
შალვა ნათელაშვილი ლავროვის მიერ “ქართული ოცნების” ქებასაც გამოეხმაურა და აღნიშნა, რომ როდესაც ” ბებერი, ჭიხვინა ჯაგლაგი” გაქებს, ნიშნავს, რომ ქვეყნის საქმე არის უბედურად.
“უნდა გვახსოვდეს, ამ მძიმე ჟამს, ყველა ჩვენი მეგობრის ვინაობა აშშ-ში, უცხოეთში, რათა მადლიერნი ვიყოთ და არასდროს ჩვენმა მომავალმა არ დაივიწყოს ის თანადგომა, რასაც გვიწევენ. სხვა შემთხვევაში, მოდი პირდაპირ ვთქვათ, იმხელა გველეშაპს ვყავართ ხელში ჩაგდებული, ივანიშვილი არის პატარა პუტინი, რეალურად ჩენ აგერ თავზე გვადგას პუტინი, ლავროვი და ნარიშკინი, დღეს გამოვიდა ლავროვი, მოგეხსენებათ, როგორ ენამზეობდა და აქებდა, ლავროვი რომ გაქებს, ბებერი, ჭიხვინა ჯაგლაგი, მაგრამ ნიჭიერი და მსოფლიო დიპლომატიის წარმომადგენელი, აგრესიული, მაგრამ თვალსაჩინო, ის რომ გაქებს ნიშნავს, რომ ქვეყნის საქმე არის უბედურად. თუ ასე ვუყვარვართ ბატონ ლავროვს, რომელიც როგორც ამბობენ თბილისელი ყოფილა და კი ბატონო, თბილისელი ბევრი მოღალატეც იყო კიდე ისტორიაში, თუ ასე ვუყვარვართ, გაიყვანონ რუსეთის სამხედრო ბაზები აფხაზეთიდან, გადმოგვცენ სოხუმის აეროპორტი, შეუშვან ნახევარი მილიონზე მეტი დევნილი ცხინვალის რეგიონში და აფხაზეთში, გააუქმონ სამხედრო წყალქვეშა ნავების ბაზა ოჩამჩირეში, შეწყვიტონ საზღვაო და სარკინიგზო მიმოსვლა, სანამ ტერიტორიული მიმოსვლა არ აღდგება. დავლაგდეთ ამდაგვარად და მერე კი ბატონო, ვინ შეიძლება იყოს რუსეთთან მტრობის მომხრე სულელის და მართლა მტრის გარა – არავინ, მაგრამ ამათ თუ უნდათ მეგობრობა და ძმობა იმ ხარჯზე, რომ ჩენ ვაჩუქოთ აფხაზეთი, ცხინვალი, ეს ყველაფერი დავუკანონოთ და დაიწყონ საქმე სუფთა ფურცლიდან…” – განაცხადა შალვა ნათელაშვილმა.