საქართველოს მთავრობის საპარლამენტო მდივნის მოადგილის თანამდებობა უქმდება.
შესაბამისი ცვლილებები „საპარლამენტო მდივნის შესახებ“ კანონში შედის.
მთავრობა განმარტავს, რომ არსებული მდგომარეობის მიხედვით, მთავრობის საპარლამენტო მდივანს მოადგილე ჰყავს, რომლის ფუნქციებიც არ არის დაკონკრეტებული.
„კანონით, მთავრობის საპარლამენტო მდივნის საქმიანობას უზრუნველყოფს მთავრობის ადმინისტრაციის უფლებამოსილი სტრუქტურული ერთეული – პარლამენტთან და პრეზიდენტთან ურთიერთობის დეპარტამენტი, რომლის ძირითად ამოცანათაგან ერთ-ერთი უპირველესი მთავრობის საპარლამენტო მდივნისათვის კანონით განსაზღვრული უფლებამოსილებების განხორციელების ხელშეწყობაა. შესაბამისად, სახეზეა ფუნქციების გარკვეული დუბლირება, რამაც, რიგ შემთხვევებში, შესაძლოა, უარყოფითად იმოქმედოს კონკრეტული საკითხების დროულ განხილვა-გადაწყვეტაზე“, – აღნიშნულია კანონპროექტში.