Amazon-ი ხმოვანი ასისტენტი Alexa-ს მომხმარებლებისთვის სიახლეს ნერგავს. კომპანიამ გამოიყენა ხმის სინთეზის ტექნოლოგია, რათა Alexa-მ გარდაცვლილი ადამიანების ხმით ისაუბროს – ინფორმაციას უცხოური გამოცემა Mirror ავრცელებს.
როგორც კომპანიის წარმომადგენელი ამბობს, ეს საშუალებას მისცემს ადამიანებს, კოვიდპანდემიისას დაკარგულ ახლობლებთან სიახლოვე იგრძნონ. Amazon-მა სიახლე ლას-ვეგასში გამართულ მორიგ კონფერენციაზე გაასაჯაროვა. ახალი ტექნოლოგია მომხმარებლებისთვის ახლო მომავალში დაინერგება. Alexa-ს გარდაცვლილი ახლობლის ხმით ასალაპარაკებლად, 1 წუთზე ნაკლები ხანგრძლივობის მაღალი ხარისხის აუდიოჩანაწერიც კი საკმარისი იქნება.