“რაც შტატებს უნდა და რაც მამას უნდა, ამას გაიგებთ მოგვიანებით” – ირაკლი კობახიძე

ირაკლი კობახიძე იმედოვნებს, რომ შტატებთან სტრატეგიული ურთიერთობების აღდგენა მოხერხდება. ამის შესახებ მან მედიასთან ისაუბრა.

კობახიძის განცხადებით, ორ ქვეყანას შორის ურთიერთობების განვითარების გზამკვლევი ცალმხრივად ვერ განისაზღვრება და ის ორმხრივი შეთანხმების საფუძველზე უნდა ჩამოყალიბდეს. მისი თქმით, ამ მიმართულებით ამერიკელ პარტნიორებთან კონსულტაციები უკვე მიმდინარეობს და “ქართული ოცნების” ხელისუფლება პროცესის წარმატებით დასრულების მოლოდინშია.

რაც შტატებს უნდა და რაც მამას უნდა, ამას გაიგებთ თქვენ მოგვიანებით, – თქვა ირაკლი კობახიძემ ჟურნალისტებთან.

“თვითონ საუბრობს ამერიკული ადმინისტრაცია, რომ ყველაფერს აკეთებს ჩინეთთან ურთიერთობების გაღრმავებისთვის. თვითონ საუბრობს ამერიკის ადმინისტრაცია, რომ მას უნდა რუსეთთან ურთიერთობების გაღრმავება. ჯო უილსონები ხომ არ ხართ, კაცო? ნუ დახვალთ ჯო უილსონის და ეკა გიგაურის დონემდე.

ამაზე ერთად უნდა შევჯერდეთ, გზამკვლევი ცალმხრივად ვერ ჩამოყალიბდება. ჩვენ იმისთვის ვხვდებით ამერიკელ პარტნიორებს, რომ ერთად შევჯერდეთ გზამკვლევზე. გზამკვლევი უნდა იყოს ორმხრივად შეჯერებული. ჩვენ იმედი გვაქვს, ვინარჩუნებთ ოპტიმიზმს სწორედ ამ შეხვედრებიდან გამომდინარე, რომ პროცესი დასრულდება სტრატეგიული პარტნიორობის აღდგენით.

თქვენ რაც გინდათ, იმას ვერ ნახავთ. თქვენ ვერ ნახავთ საქართველოში დემოკრატიის ხელყოფას, სამართლის უზენაესობის ელყოფას…რაც შტატებს უნდა და რაც მამას უნდა, ამას გაიგებთ თქვენ მოგვიანებით” – თქვა დღეს კობახიძემ.