მაშველები მტკვარში გადავარდნილ ავტომობილსა და მის 36 წლის მძღოლს უკვე 24 საათზე მეტია ეძებენ. ტერიტორიაზე საგანგებო სიტუაციების მართვის სამსახურის თანამშრომლები ამ წუთებშიც მუშაობენ – სამძებრო-სამაშველო ოპერაციაში ასზე მეტი მაშველია ჩართული.
მტკვრის მარცხენა სანაპიროზე ავტოსაგზაო შემთხვევა 2 ივნისს გვიან ღამით მოხდა. როგორც თვითმხილველები ყვებიან, მანქანა მდინარეში გალაკტიონის ხიდის მიმდებარე ტერიტორიიდან გადავარდა. გავრცელებული ინფორმაციით, მიზეზი უკნიდან ძლიერი შეჯახება იყო.