კახეთში, ოჯახური ძალადობისა და სხვისი ნივთის დაზიანების ფაქტზე დაკავებულ 35 წლის კაცს, არასრულწლოვანი შვილი შესაძლო სექსუალურ ძალადობაში ადანაშაულებს.
ინფორმაციას ამის შესახებ “მთავარი ამბები კახეთიდან” ავრცელებს. მათი ცნობით, დანაშაულის კვალიფიკაციისა და ბრალის ზუსტი ფორმულირების დასადგენად, 14 წლის გოგონა ექსპერტიზაზე გადაიყვანეს.
ადგილობრივი მედიის ცნობით, მოზარდი ამტკიცებს, რომ ბიოლოგიური მამა მასზე 6 წელია ძალადობს. არასრულწლოვანმა კონკრეტული ფაქტებიც დაასახელა. მომხდარის შესახებ მას შემდეგ გახდა ცნობილი, რაც კაცი ცოლზე ძალადობისთვის და მისი ტანსაცმლის დაწვის ფაქტზე აიყვანეს. 14 წლის გოგონას მიმართ გარყვნილი ქმედების ბრალდებით, სასჯელს იხდის მისი ნათესავი მამაკაციც. ხოლო თავად მამის მიმართაც არსებობდა წარსულში მსგავსი შინაარსის ბრალდება მისივე ნათესავის მხრიდან, თუმცა კონკრეტული დანაშაული არ დადასტურდა.
მამაკაცი ახლა წინასწარი დაკავების იზოლატორშია გადაყვანილი. არასრულწლოვანის მიმართ შესაძლო სექსუალური ძალადობის ეპიზოდზე კი სამართალდამცავები შესაბამის საგამოძიებო მოქმედებებს ატარებენ. ნაკლების ჩვენება
კახეთში, ოჯახური ძალადობისა და სხვისი ნივთის დაზიანების ფაქტზე დაკავებულ 35 წლის კაცს, არასრულწლოვანი შვილი შესაძლო სექსუალურ ძალადობაში ადანაშაულებს
