ირანის ისლამური რესპუბლიკის საგანგებო და სრულუფლებიანი ელჩი საქართველოში სეიედ ალი მოუჯანი აშშ-ის სახელმწიფო მდივნის, მარკო რუბიოს განცხადებას ეხმაურება, რომელიც “ქართული ოცნებისგან” ტრაექტორიის შეცვლას ითხოვს.
ირანის ელჩის თქმით, ამერიკამ სამყაროზე თავისი შეხედულება უნდა გამოასწროროს.
მე ვფიქრობ, რომ ამერიკამ უნდა გამოასწოროს თავისი შეხედულება სამყაროზე. ქვეყანამ, რომელიც სხვა ცივილიზაციების განადგურებას ცდილობს, ჯერ საკუთარი თავი უნდა გამოასწოროს,” – წერს მოუჯანი.
ცნობისთვის, შტატებში იმედოვნებენ, რომ საქართველოს ტრაექტორიის ცვლილებას ნახავენ იმ მდგომარეობიდან, რომელშიც ის დღეს იმყოფება – ამის შესახებ სახელმწიფო მდივანმა კონგრესში, ამერიკელი რესპუბლიკელი კონგრესმენის ჯო უილსონის კითხვის საპასუხოდ განაცხადა.
თავის მხრივ კონგრესმენმა უილსონმა თქვა, რომ “ქართული ოცნება” ხელს უწყობს ირანს სანქციებისგან გვერდის ავლაში.