“თქვენ არ იცით, რამდენი ვიტირე, ემოციებით დაღლილი ვარ” – რას აცხადებს გურამ კაშია მედიასთან

129 მატჩი ნაკრების მაისურით და დიდი საფეხბურთო ისტორია – გურამ კაშიამ სანაკრებო კარიერა დაასრულა.

ფეხბურთელმა მატჩის შემდეგ მედიასთან თქვა, რომ ძალიან ბევრი იტირა, სანამ მოედანზე გავიდოდა .

კაშია ამბობს, რომ 1-2 კვირა დაისვენებს და მერე გადაწყვეტს თუ სად გააგრძელოს თავისი კარიერა.

“მადლობით დავიწყებ. ყველა ადამიანი, ვინც ერთხელ მაინც მგულშემატკივრობდა მე და ჩემს გუნდს. ჩემი კარიერა ძალიან მაგარი, საინტერესო თავგადასავალი იყო. ამიტომ, მადლობა ყველას, თქვენ (ჟურნალისტებს გულისხმობს), თითოეულ გულშემატკივარს. მინდა, გუნდს წარმატება ვუსურვო.

თქვენ არ იცით, ავტობუსში რამდენი ვიტირე, ვერ მაჩერებდნენ. ემოციებით დაცლილი ვარ, მართლა დასვენება მჭირდება. 39 წლის ვხდები და დედასვფიცავარ არ დამისვენია, 1-2 კვირა ყველაფრისგან დასვენება მჭირდება და შემდეგ მივიღებ გადაწყვეტილებას, საით წავიდე, მაგრამ აუცილებლად ფეხბურთში ვიქნები იმიტომ, რომ ჩემი საყვარელი საქმეა, გარკვეულწილად მესმის ეს საქმე და ამიტომ მინდა ფეხბურთში ვიყო” – გურამ კაშია.