“თავიდანვე „ოპოზიციის ალიანსი“ ძალიან ჭრელი იყო… როდესაც ასეთი ჯგუფი ქმნის ალიანსს, მისი დაშლის შესაძლებლობა არის ძალიან მაღალი” – ამის შესახებ პოლიტოლოგმა, ვახტანგ ძაბირაძემ “მეტრონომთან” საუბრისას განაცხადა.
“თავიდანვე „ოპოზიციის ალიანსი“ ძალიან ჭრელი იყო. მიუხედავად იმისა, რომ იქ შემავალი პარტიების ძირითადი ნაწილი ყოფილი ნაციონალები არიან მაინც, ისინი სხვადასხვა მიმართულებისა და სხვადასხვა იდეოლოგიის მატარებლები იყვნენ და ბუნებრივია, როდესაც ასეთი ჯგუფი ქმნის ალიანსს, მისი დაშლის შესაძლებლობა არის ძალიან მაღალი.
ჩემთვის ძალიან მოულოდნელი არც ყოფილა ის რა პროცესებიც განვითარდა “ოპოზიციურ ალიანსში”. მე მუდმივად ვამბობდი, რომ ოპოზიციაში შეიძლებოდა ოთხი ძირითადი ჯგუფის გამოყოფა და ყოველთვის ვიყავი წინააღმდეგი, რომ გაერთიანებული ოპოზიცია შემდგარიყო, რადგან ასეთ გაერთიანებაში ბზარის გაჩენა არის ძალიან მარტივი.
ეს ჯგუფები იქნებოდა: სააკაშვილის ჯგუფი, რომელიც სააკაშვილს აღიარებს პრემიერად, მეორე ჯგუფი, ასევე ნაციონალური მოძრაობიდან წამოსული “ლელო” და ალბათ “გახარია საქართველოსთვის. მათ შეიძლებოდა დამატებოდათ ხვიჩიას “გირჩი”. მეტი რესურსი რომ ბარიერს გადალახავდა რომელიმე ამათგანი ამის რესურსი მეტი არ იყო ამიტომაც იყო საჭირო რომ ეს ყოფილიყო გათვალისწინებული და ნებისმიერი ალიანსი შეექმნათ ამ პრინციპიდან გამომდინარე.
ძალიან დიდი მნიშვნელობა აქვს იმას, თუ წარსულს ვინ როგორ უყურებს და აფასებს. ბუნებრივია, ეს გამოიყენა საზოგადოების გარკვეულმა ნაწილმა, ხელისუფლებამ და სააკაშვილმა, რომელიც იბრძვის იმისთვის რომ “ნაციონალური მოძრაობის” ლიდერი გახდეს. მას აქვს ამაზე პრეტენზია. რამდენად შეძლებს ეს სხვა საკითხია, თუმცა ის კონკურენტებს იშორებს დღესვე და ეს რეალობაა.
ამიტომ დაშლა ამ ალიანსის უფრო მეტი შედეგის მომტანი ვერ იქნებ.
ახლაც გადადეს აქტიური მოქმედებები, გაურკვეველი იქნება მუდამ და ეს შეაფერხებს მათაც და ოპოზიციაში რეალური ძალის ჩამოყალიბებასაც” – აღნიშნა მან.