„თავიდან ჩამირთეთ, რა… ბატონო ირაკლი, მინდა, პირველ რიგში, მადლიერებით დავიწყო იმ თმენისთვის და მტკიცედ ჩვენი ეროვნული ინტერესის დაცვისთვის.“ – განაცხადა პოლიტიკოსმა მარიამ ლაშხმა პარლამენში პრემიერის ანგარიშის მოსმენის შემდეგ.
ლაშხის ამ განცხადებას სოციალურ ქსელში დიდი გამოხმაურება მოჰყვა. ცოტა ხნის წინ ყოფილმა დეპუტატმა ხათუნა ხოფერიამ „ფეისბუკზე“ პოსტი გამოაქვეყნა და განაცხადა, რომ ლაშხი ბულინგის მსხვერპლია.
“საოცრად გაწონასწორებული, კარგად აღზრდილი, ღირსეული ქალი- მარიამ ლაშხი, რომელიც თავისი გამათლებით, ქცევის მანერით, გრამატიკული მეტყველებით სრულიად განსხვავდება თავისი კოლეგა ქალბატონებისგან- საქართველოს პარლამენტის ოპოზიციური ფრთის ქაჯებისგან. გუშინ, მარიამი მძიმე ბულინგის მსხვერპლი გახდა იმის გამო, რომ ქვეყნის პრემიერს მადლობა უთხრა!
ხვდებით, ალბათ, რა უბედურება ტრიალებს ჩვენ თავს! როგორ ერჩიან საიმედო, ერთგულ, უბრალოდ კარგ ადამიანებს პოლიტიკურ ანომალიად ქცეული გიჟები.
მინდა მარიამს გადავცე ჩემი მადლიერება იმის გამო, რომ პარლამენტის დარბაზში გააჟღერა ასი ათასობით საქართველოს მოქალაქის სათქმელი, რომელიც ირაკლი ღარიბაშვილმა გუშინ ალალად დაიმსახურა! სულ ორი სიტყვა – მადლობა, ირაკლი!” – წერს ხოფერია