ნიკა მელიას და ყველას ვურჩევ – ფოკუსი გაასწორონ – ასე ეხმაურება ერთიანი ნაციონალური მოძრაობის წევრი, ანა წითლიძე ნიკა მელიას წერილს ციხიდან.
წითლიძე ამბობს, რომ ნიკა მელიას “რიტორიკა ერთი-ერთში ემთხვევა ივანიშვილის და ქოცების რიტირიკას”.
“ძალიან სამწუხაროა იმ დეგრადაციის ყურება იმ ადამიანისგან, რომელცი ერთ დროს წარმოადგენდა ენმ-ს პოლიტიკური საბჭოს თავმჯდომარეს ჯერ და მერე პარტიის თავმჯდომარეს და რომელმაც მთელი თავისი პოლიტიკური კაპიტალი და მთელი კარიერა ააწყო სწორედ მიხეილ სააკაშვილისი და ენმ-ს რესურსების გამოყენებით. ვურჩევ მას და ყველას, რომ ფოკუსი გაასწორონ, იმიტომ, რომ 14 წლის განმავლობაში, მიხეილ სააკაშვილი არის ივანიშვილის პირადი ამიზნე და პუტინის პირადი პატიმარი. როდესაც შენი რიტორიკა ერთი-ერთში ემთხვევა ივანიშვილის და ქოცების რიტირიკას, ეს დამაკნინებლად მოქმედებს არა მიხეილ სააკაშვილსა და ერთიან ნაციონალურ მოძრაობაზე, არამედ იმაზე, ვინც ამას ავრცელებს”, – აცხადებს ანა წითლიძე.
ცნობისთვის, ნიკა მელია მესამე პრეზიდენტს პოლიტიკურ ეჭვიანობაში სდებს ბრალს – კოალიცია “ცვლილებისთვის” ერთ-ერთი ლიდერი წერილში წერს, რომ “მიხეილ სააკაშვილს უკვე მრავალი წელია მის მიმართ ეჭვიანობა, როგორც ყელს შემოჭერილი მარყუჟი, ისე ახრჩობს”.
ოპოზიციონერი პოლიტიკოსი საქართველოს მესამე პრეზიდენტის განცხადებებს პასუხობს და აღნიშნავს, რომ “ტყუილის თქმას მხოლოდ ის ბედავს, ვინც სიმართლე იცის, ასეა სააკაშვილის საქმეც”. ნიკა მელიას თქმით, სადაც მიხეილ სააკაშვილია იქ ქვეყნის ინტერესი არ არის და მხოლოდ ეგოიტური ინტერესია.
მანამდე იყო მიხეილ სააკაშვილის წერილი, მესამე პრეზიდენტი, ციხიდან გამოგზავნილ წერილში წერას, რომ ნიკა მელიამ მისი გათავისუფლების მოთხოვნით დაწყებული აქციები დაშალა.