სამოქალაქო აქტივისტი, ნინო კალანდია ამბობს, რომ მისი შშმ შვილის საპენსიო ანგარიში დააყადაღეს. ამის შესახებ ის სოციალურ ქსელში გავრცელებუ; ვიდეომიმართვაში საუბრობს.
ვიდეომიმართვაში კალანდია “ქართული ოცნების” ხელისუფლებას მწვავედ აკრიტიკებს და აცხადებს, რომ ქვეყანაში სოციალური და ეკონომიკური მდგომარეობის შესახებ გაკეთებული ოფიციალური განცხადებები რეალურ ვითარებას არ შეესაბამება. მისი შეფასებით, შშმ ბავშვის საპენსიო ანგარიშის დაყადაღება მოქალაქეების უფლებების დარღვევის კიდევ ერთი მაგალითია და ხელისუფლების მხრიდან მოქალაქეებზე ზრუნვის შესახებ გაკეთებულ განცხადებებს ეწინააღმდეგება.
“დღეს დააყადაღეს ჩემი შშმ შვილის საპენსიო ანგარიში. ანუ რამდენიმე დღის წინ ხომ დამიყადაღეს ანგარიშები და დღეს დააყადაღეს ჩემი შშმ შვილის საპენსიო ანგარიში, რომელიც ჩემს სახელზეა, იმიტომ, რომ ჩემი შვილი არის არასრულწლოვანი. და, ამის უფლება არ აქვთ, რომ შშმ პირის საპენსიო ანგარიშ დააყადაღონ, მაგრამ მაინც დააყადაღეს და რომ მივედი ბანკში ცნობა რომ ამეღო, რომ დაყადაღებულია ეს ანგარიში, მითხრეს, რომ 20 ლარი ღირს ამ ცნობის გაცემა. ანუ პესნიონერებს რაღაცა ცნობა რომ სჭირდებათ, 20 ლარს ართმევენ, ხალხო. ხოდა, მე კი არ მიკვირს ჩემი შვილის საპენსიო ანგარიშ რომ დააყადაღეს, ბავშვებს, რომლებიც სიცოცხლეც საფრთხეშია, წამალს არ აძლევენ და არც ის მიკვირს, რომ ჩემი შვილის საპენსიო ანგარიში დააყადაღეს, მაგრამ როგორ ბედავთ თქვენ და როგორ ამბობთ, რომ ამ ქვეყანაში ყველაფერი კარგად არის, რომ ყველაფერი მოგვარებულია, როგორ ბედავთ იმის თქმას, რომ თქვენ ამ ქვეყნის მოქალაქეებზე ზრუნავთ და ეკონომიკური მაჩვენებლით ევროპაში პირველ ადგილზე რომ ვართ, ამის თქმას როგორ ბედავთ, საერთოდ?! და ჩვენ როგორ ვაბედინებთ ამათ იმას, რასაც 14 წელია აკეთებენ?! როგორ არ ვაპროტესტებთ ამას? როგორ ვაბედინებთ იმას, რომ თავზე გვასხედან ამდენი წელია და ამდენი წელია მხოლოდ ნგრევა, მხოლოდ გაუარესება, მხოლოდ რეგრესია ამ ქვეყანაში. ამ ქვეყანაშ ამ 14 წლის მანძილზე არაფერი კარგი არ გაკეთებულა. რაც კარგი იყო, ისიც დაინგრა და დაიქცა. და ჩვენ როგორ ვუშვებთ იმას, რომ ამათი მოსვლიდან მე-14 წელს ისევ ჩუმად, ასე ინერტულად ვეგუებით იმას, რასაც ესენი აკეთებენ?! რანაირად არ ვაპროტესტებთ იმას, რომ მართლა თავზე ჩამოგვამხეს ეს ქვეყანა?!” – ამბობს ნინო კალანდია ვიდეომიმართვაში.