“მკვლელებო!” – გორში, პოლიციის განყოფილებასთან ხმაურია

გორში, პოლიციის განყოფილებასთან ხმაურია – ძალადობის წინააღმდეგ შეკრებილი მოქალაქეები ცოტა ხნის წინ პოლციიის განყოფილებასთან მივიდნენ.

“მკვლელებო” – სკანდირებენ აქციის მონაწილები.

მოქალაქეები ამბობენ, რომ ძალადობა სისტემურია და მას “ოცნება“ ახალისებს.

აქ დაახლოებით 50-მდე პოლიციელია და მინდოდა მეკითხა, როგორ არავის გაუჩნდა სურვილი, რომ ის ადამიანი გადაერჩინა, რომელიც სასიკვდილოდ ჰყავდათ გამეტებული და რიგში იდგნენ, რომელს წიხლი უფრო მაგრად ჩაერტყა. შეეცადნენ ძალის გამოყენებით გამოვეწიე და კინაღამ კარებში მომაყოლეს. ჩვეულებრივად შევედი, მინდოდა მეკითხა და მომცვივდნენ, ვირთხებივით ჩამქრალ შუქში არიან. ესენი ვერ უნდა დადიოდნენ მშვიდად. სამართალდამცველების ამათ არაფერი ეტყობათ. ესენი არიან კრიმინალები, რომლებიც ადამიანებს ქუჩაში აწამებენ. ვის უნდა ჰქონდეთ ამათი იმედი, რამე რომ გამიჭირდეს 112-ში ვერ დავრეკავ. რომელიმე მოქალაქეს განცდა უჩნდება, რომ დაცული იქნება ამ ქალაქში?- ამბობს აქციის მონაწილე.

გორში პროტესტი დაიგეგმა მას შემდეგ, რაც მედიაში სამართაკდამცავების მიერ მოქალაქეებზე ძალადობის კადრები გავრცელდა.