Apple-ი სკანდალში ეხვევა. მილიონობით Iphone-ის მომხმარებელმა შესაძლოა ფულადი ანაზღაურება მიიღოს. ამის მიზეიზა იურიდიული დავა, რომლის თანახმადაც Apple-ს მობილური ტელეფონების მუშაობის ფარულად შენელებაში ადანაშაულებენ.
პირი რომელიც კომპანიას უჩივის ჯასტინ გუტმანია. ის ამტკიცებს, რომ კომპანიამ შეცდომაში შეიყვანა მომხმარებლები. Apple მომხმარებლებს მომსახურების გაუმჯობესებას სთავაზობდა, რა დროსაც რეალურად ამით მობილური ტელეფონების შენელება ხდებოდა. ის 768 მილიონი ფუნტის ანაზღაურებაზე საუბრობს. ეს თანხა 25 მილიონამდე iPhone-ის მომხმარებელ ბრიტანელს უნდა გადაუხადონ.
Apple-ში აცხადებენ, რომ მსგავსი რამ არასდროს განუზრახავთ. თუმცა, საჩივარი, რომელიც შეტანილია კონკურენციის სააპელაციო ტრიბუნალში, ამტკიცებს, რომ Apple-მა შეგნებულად შეანელა ძველი iPhone-ების მუშაობა, რათა თავიდან აეცილებინა ძვირადღირებული პროცესები და მობილურების შეკეთება.
2017 წლის იანვარში კომპანიამ ახალი ხელსაწყო დანერგა, რომელსაც მობილურის მუშაობისას წარმოქმნილი პრობლემები უნდა მოეგვარებინა, თუმცა გუტმანი ამტკიცებს, რომ აღნიშნული ხელსაწყო პირიქით, მობილურის მუშაობას განზრახ ანელებდა და ბატარეებზე მოქმედებდა. მისი თქმით ეს მოდელებია iPhone 6, 6 Plus, 6S, 6S Plus, SE, 7, 7 Plus, 8, 8 Plus და iPhone X.