სავარაუდოდ, სახელმწიფო უნივერსიტებში “ქართული ოცნება” დიპლომატიასთან დაკავშირებულ სპეციალობებსაც გააუქმებს. კადრების მომზადების ერთადერთი ცენტრი დიპლომატიის აკადემია იქნება – ინფორმაციას “ფორმულა” ავრცელებს.
„ფორმულას“ ჟურნალისტი: „ჩვენ უნდა ვივარაუდოთ, რომ თსუ-ში მას შემდეგ, რაც ეს აკადემია დაფუძნდება მაგალითად, საერთაშორისო ურთიერთობების მიმართულება მილევად რეჟიმში გადავა?“
„კი. ეს არის პრინციპი – ერთი ქალაქი ერთი ფაკულტეტი, რომელიც ვრცელდება თბილისში მოქმედ სახელმწიფო უნივერსიტეტებზე და ეს არის პრინციპი რომელიც მოქმედებს ქუთაისში მდებარე სახელმწიფო უნივერსიტეტებზე. შესაბამისად, სახელმწიფო უნივერსიტეტებში თუ ეს მიმართულება ავტორიზაციას გაივლის დიპლომატიურ აკადემიასთან მიმართებაში, იმ უნივერსიტეტში, სადაც ეს მიმართულება ისწავლება, გადავა მილევად რეჟიმში, ხოლო მიღება მოხდება საგარეო საქმეთა სამინისტროს დიპლომატიურ აკადემიაში“, — ამბობს გივი მიქანაძე.