გიორგი კეკელიძე სოციალურ ქსელში პოსტს აქვეყნებს და გორში მომხდარს ეხმაურება:
“დიდი სირცხვილია, როცა ათი ერთს ცემს, მაგრამ კიდევ უფრო დიდი სირცხვილია, როცა ათასი ამ ათს ამართლებს.
ის ათასი რომ არ ამართლებდეს ამ ათს, ეს ათიც ვერ გაბედავდა იმ ერთის ცემას.
და იმ ათას გამმართლებელზე რომ ათიათასი მდუმარე არ მოდიოდეს, ვერც ის ათასი გაბედავდა ხელის დაფარებას” – წერს გიორგი კეკელიძე.
გუშინ, 27 მაისს, გორიდან გავრცელდა კადრები, სადაც ჩანს, რომ კომბინატის დასახლებაში პოლიციელები მოქალაქეებს ფიზიკურად გაუსწორდნენ და დააკავეს. მოგვიანებით პროკურატურამ გაავრცელა განცხადება, რომ გორში პოლიციელების მხრიდან მოქალაქეებზე ძალადობაზე გამოძიება დაიწყო. საღამოს კი პირი, ვისზეც პოლიციელებმა იძალადეს, დააკავეს. ამის შემდეგ, რამდენიმე საათში, ლოცულაშვილმა გორის წინასწარი მოთავსების იზოლატორი დატოვა და ექსპერტიზაზე გადაიყვანეს.