“ევროკავშირმა განაცხადა, რომ რუსეთის გაფრთხილებების მიუხედავად, კიევში დიპლომატიურ წარმომადგენლობას უცვლელად შეინარჩუნებს. ნუ, როგორც ჩანს, ზედმეტი დიპლომატები ჰყავთ და შტატების შემცირება სჭირდებათ” – წერს რუსეთის ფედერაციის უშიშროების საბჭოს თავმჯდომარის მოადგილე დიმიტრი მედვედევი X-ზე.
რამდენიმე დღის წინ რუსეთის საგარეო საქმეთა სამინისტრომ გაავრცელა ინფორმაცია, რომ კიევში მასშტაბურ თავდასხმებს განახორციელებდნენ, მათ შორის, დაბომბავდნენ “გადაწყვეტილების მიღების ცენტრებს”.