ქართველი მოდელი და ტელეწამყვანი საზოგადოებას უზიარებს, რომ პოპულარული რეალითი შოუს, „პრაიმ ჰაუსის“ ჟიურის ახალი წევრი იქნება. ის აცხადებს, რომ მას სამსახური ამერიკიდან ჩამოსვლისთანავე შესთავაზეს და დიდი სიამოვნებით დათანხმდა.
„ძალიან მიხარია, რომ ჩამოსვლისთანავე სამსახურს მთავაზობენ. როგორც სხვა დაკომპლექსებულ ადამიანს, მეც სულ მგონია, რომ აღარავის ვაინტერესებ, აღარ ვჭირდები და მერე რომ მეუბნებიან – გვჭირდებიო, აპ! მიხარია.
მე ჩემს სამშობლოს ვერ ველევი. აქაური ყველაფერი მირჩევნია, ჰაერი, ტელევიზია და ყველაფერი აქაური მიყვარს. აქ ჩამოსვლა მიხარია. ბენიც ჩამოვა. უბრალოდ, ჩემსავით სამი თვით ვერ ინავარდებს.
ძალიან მომწონს ეს რეალითი შოუ. ჟიურის წევრობაზე შემოთავაზებას დიდი სიამოვნებით დავთანხმდი. ყველა მონაწილის გულშემატკივარი ვარ.
საერთოდ, რეალითი შოუების უდიდესი ფანი ვარ. ამერიკაში რეალითს სულ სხვა დატვირთვა აქვს. იქ ერთ-ერთი წამყვანი ჟანრია, ყველა საკაბელო ტელევიზიას აქვს ათი-ოცი რეალითი შოუ და ყველა უყურებს. რეიტინგულის გარდა, პატივს სცემენ ამ შოუს, რადგან მასში ადამიანები თავიანთ პირად, რეალურ ცხოვრებას აჩვენებენ და ვფიქრობ, ეს პატივსაცემია. სოციალური ქსელების და მედიის სამყაროში განსაკუთრებულად აქტუალურია. ამ დროს საქართველოში ჰგონიათ, რომ დაბალი დონის შოუა.” – აცხადებს ნუკი კოშკელიშვილი