კოალიცია “ცვლილებისთვის” ერთ-ერთი ლიდერი, ელენე ხოშტარია 26 მაისთან დაკავშირებით ციხიდან წერილს აქვეყნებს.
ოპოზიციონერი ლიდერი წერს, რომ მართალია, ის ფიზიკურად ვერ იდგება რუსთაველის გამზირზე ხვალ, 26 მაისს, ზუსტად იცის, რომ დამოუკიდებლობის დღეს ყოველთვის ძალიან ამაყად იზეიმებენ.
“1938 წლის 26 მაისს, საქართველოს დამოუკიდებლობის გამოცხადებიდან ზუსტად 20 წლის შემდეგ, დახვრიტეს ჩემი ბაბუა – 27 წლის მეთოდე ხოშტარია. დახვრიტეს ზუსტად იმიტომ, რომ დამოუკიდებლობა აღარასდროს გვეზეიმა და რომ მეც არასდროს ვმდგარიყავი დამოუკიდებლობის დღეს რუსთაველზე.
მიუხედავად იმისა, რომ წელს ფიზიკურად იქ ვერ ვიდგები, ზუსტად ვიცი, რომ ჩემს მაგივრად ბევრი ადამიანი მივა და ზუსტად ვიცი, რომ დამოუკიდებლობის დღეს ყოველთვის ძალიან ამაყად ვიზეიმებთ!” – წერს ელენე ხოშტარია.