სოფლის განვითარების სააგენტოს პროექტის – „დანერგე მომავალი“ – ფარგლებში, ბოლო წლებში სახელმწიფო ბიუჯეტიდან არაერთი პროექტი დაფინანსდა.
აუდიტის სამსახურმა შეისწავლა მრავალწლიანი კულტურების ბაღების გაშენების მიზნით დაფინანსებული პროგრამა. აუდიტორების მიერ ბაღების დათვალიერების შედეგად გამოვლენილია ხარვეზები, რაც სავარაუდოდ, მრავალწლიანი კულტურების არასათანადო მოვლა-პატრონობას უკავშირდება. კერძოდ:
„აუდიტორული შერჩევით, მნიშვნელოვანი რისკების მქონე ბაღების ადგილზე ვიზუალური დათვალიერების შედეგად გამოვლინდა, რომ 2018-2020 წლებში მოქმედი ხელშეკრულებების ფარგლებში, 1,332,366 ლარით დაფინანსებულ 15 ბაღში ნერგების 100% გამხმარია. ამასთანავე, 10 ბაღის შემთხვევაში, რომლებიც ჯამურად დაფინანსდა 733,291 ლარის ოდენობით, ნერგების გარკვეული ნაწილი გამხმარია, ხოლო 3,115,975 ლარით დაფინანსებულ 36 ბაღში − ნერგების არსებითი ნაწილი გახარებულია“, – ვკითხულობთ აუდიტის დასკვნაში.