ბოდბელმა მთავარეპისკოპოსმა იაკობმა განაცხადა, რომ შეიძლება ვიღაცამ იკითხოს, რატომ აცვიათ ლამაზი სამოსი, თუმცა ეს ღვთისმსახურების ნაწილია და მთავარი ადამიანის შინაგანი მდგომარეობაა — ვინ როგორ ცხოვრობს და რას აკეთებს.
“უწმინდესმა ძალიან ძლიერი გუნდი დატოვა, ეკლესიის მართვაც ვიცით და ჩვენ რაც გვეხება, ის მოგვთხოვეთ და ძალიან ხშირად ისეთ რამეებს გვთხოვთ ხოლმე, რაც ჩვენი საქმე არ არის რა და უშუალო საქმეს ნუ მოწყვიტავთ, დანარჩენი თქვენთან ერთად ვიქნებით, ძალები არ გაგვაფანტინოთ… ჩვენ არ ვიბრძვით ამ ქვეყანაზე პირველობისთვის, ხშირად სხვადასხვა ხელისუფლებები ეკლესიას მოიაზრებენ ხოლმე კონკურენტად, ძალაუფლების გამყოფად. ქართული ეკლესია მაგაში არ მონაწილეობს იმიტომ, რომ ქრისტეს გზას მივყვებით და არასდროს მიწიერი დიდება ჩვენთან უმრავლესობაში არაფერი არ არის, შეიძლება თქვათ, რომ რატომ გაცვიათ ლამაზი რაღაც, ის ღვთისმსახურების ის არის, თორემ შინაგანში ჩახედეთ ადამიანს ვინ როგორ არის და ვინ რას შვება” – თქვა ბოდბელმა მთავარეპისკოპოსმა იაკობმა ქადაგებისას.