აქსელ ბრიუგემანის წერილი პაატა ბურჭულაძეს – ცნობილი გერმანელი რეჟისორი, პუბლიცისტი და სცენარისტი მსოფილიო ბანის პატიმრობას საგანგებო წერილით ეხმაურება. ბრიუგემანი წერს, რომ მსოფილიო ვარსკვლავი პაატა ბურჭულაძე “ბეტონის კედლებში პრორუსული „ქართული ოცნების“ მთავრობის წინააღმდეგ პროტესტისთვის” ზის.
ძვირფასო პაატა ბურჭულაძე, ოპერის სცენაზე თქვენ ნამდვილი ცხოვრებას სწავლობდით და ახლა თქვენი ყველაზე მნიშვნელოვანი როლი გაქვთ. თქვენი ცხოვრება თავად იქცა ოპერად – წერს წერილში ცნობილი პუბლიცისტი.
“სანამ თქვენ ციხეში ზიხართ, ჩემს ყურებში თქვენი ხმა ჟღერს: თქვენი ვერდის „რეკვიემი“ ჰერბერტ ფონ კარაიანთან, თქვენი გრემინი მირელა ფრენის გვერდით, თქვენი რამფისი ლუჩანო პავაროტისთან და თქვენი სილვა ჯოან საზერლენდის გვერდით!
თქვენი ბანი ოპერის სამყაროში ჩემს პირველ ნაბიჯებს ახლდა თან. თქვენი ძალა და ენერგია ჟრუანტელს მგვრიდა!
ახლა თქვენ ბეტონის კედლებში ხართ მოქცეული. დაპატიმრებული საკუთარ სამშობლოში — საქართველოში — პრორუსული „ქართული ოცნების“ მთავრობის წინააღმდეგ პროტესტისთვის, ახალი არჩევნებისთვის მოთხოვნისთვის. პოლიტიკური პატიმრების გათავისუფლების მოთხოვნისთვის. თქვენი ქვეყნის ევროპული მომავლის მოთხოვნისთვის.
როდესაც თბილისის მოსამართლეებმა განაჩენი გამოგიტანეს, განაცხადეთ, რომ არაფერს ნანობთ. „სახელმწიფო თაღლითები გაქრებიან,“ — თქვით თქვენ, — „როგორც საშინელი კოშმარი, და საქართველოს ცა კვლავ განათდება.“
ძვირფასო პაატა ბურჭულაძე, ოპერის სცენაზე თქვენ ნამდვილი ცხოვრებას სწავლობდით და ახლა თქვენი ყველაზე მნიშვნელოვანი როლი გაქვთ. თქვენი ცხოვრება თავად იქცა ოპერად.
თქვენ 71 წლისას კვლავ ის ახალგაზრდული გული გაქვთ. რაც შეიძლება მალე გისურვებთ ევროპულ ვარსკვლავებს თქვენი სამშობლოს ცაზე”, – ნათქვამია წერილში.
შეგახსენებთ, რომ პაატა ბურჭულაძეს სასამართლომ სასახლის ღობის საქმეზე 7 წლით პატიმრობა მიუსაჯა.