ზემო ლარსის სასაზღვრო-გამშვებ პუნქტზე სამართალდამცველებმა პირი დააკავეს, რომელიც საქართველოდან რუსეთში დიდი რაოდენობით ანტიკვარული იარაღის შეტანას ცდილობდა. ინფორმაციას რუსეთის ფედერალური საბაჟო სამსახური ავრცელებს.
გავრცელებული ინფორმაციით, ამოღებულ ნივთებს შორის იყო ხმლები, ხანჯლები, ე.წ. რაპირები და რიტუალური დანები. წინასწარი შეფასებით, იარაღის საერთო ღირებულება დაახლოებით 2 მილიონ რუბლს აღწევს.
დაკავებული პირის განცხადებით, აღნიშნულ იარაღს პირადი კოლექციისთვის აგროვებდა. ფაქტთან დაკავშირებით მიმდინარეობს შესაბამისი სამართლებრივი პროცედურები.