ჩხოროწყუს სოფელ ლესიჭინეში საზოგადოებრივი ცენტრის შენობა აფეთქდა, ინფორმაცია ტელეკომპანია „ფორმულა“ ავრცელებს.
დაშავებულების შესახებ ინფორმაცია არ ვრცელდება. აფეთქება დილის 5 საათისკენ მოხდა და სავარაუდოდ მომხდარის დროს შენობაში არავინ იყო.
საზოგადოებრივი ცენტრის შენობაში დაზიანებულია არა მხოლოდ შიდა პერიმეტრი არამედ გარე ფასადიც. გავრცელებული ინფორმაციით შენობა მძარცველებმა ააფეთქეს.
შენობაში განთავსებული იყო ლიბერთი ბანკის ბანკომატი, სწორედ ბანკომატის გატანა სურდათ მძარცველებს.
ადგილზე პოლიციაა მობილიზებული და მუშაობენ ექსპერტ-კრიმინალისტები. ამ დროისთის პერიმეტრის დასუფთავების სამუშაოები მიმდინარეობს
ამ დრომდე უცნობი რჩება კონკრეტულად ვინ ააფეთქა შენობა. მომხდარს თვითმხილველები არ ჰყავს, თუმცა შენობაზე განთავსებულია სათვალთალო კამერები, რომლებსაც შესაძლოა მომხდარი დაეფიქსირებინათ.
