დეკანოზ ილია ჭიღლაძე შიო მესამეს სრულიად საქართველოს კათოლიკოს-პატრიარქად არჩევას და აღსაყდრებას ახმაურება.
“კარგი ჰქნა რომ ინტრონიზაცია, ანუ აღსაყდრება დაჩქარებულად ჩაატარა მეორე დღეს, თან ანდრიაობას, არ მოინდომა ზედმეტი პომპეზური სამზადისი და უცხოეთიდან დელეგაციების მოწვევა, არ იყო ახლა ამისი დრო და კუკლუცობა-თავმოწონება, აირიდა მოსკოვის დელეგაციაც და ბერძნებისაც. მომწონს რომ სპონტანურად, სადად და ნორმალურად ჩატარდა ტრადიციული წესი კათალიკოსის აღსაყდრებისა და კურთხევისა მცხეთაში.
დღეგრძელობას, ჯანმრთელობას, სიბრძნეს, სამართლიანობას და მწყემსი კეთილის კათოლიკოს-პატრიარქობას ვუსურვებ შიო III-ს.
სხვათა შორის, ქართული ეკლესიის პირველი მწყემსთავრის, მცხეთის მთავარეპისკოპოს იოანე I-ის (რომელმაც მონათლა მირიან მეფე ქართლისა და ქართველი ხალხი მცხეთაში, მტკვრისა და არაგვის შესართავთან) წმინდანად შერაცხვა ჩემი ინიციატივა და მოფიქრებული ამბავია, რომელიც მერე ჩემი ნებართვით მიიტანა ერთმა ბერმა ილია მეორემდე და მიტრ. დანიელამდე და ქნეს ეს საქმე, რაც წესით საუკუნეების წინ იყო გასაკეთებელი. შეეწიოს პირველი მამამთავარი ჩვენი წმ იოანე მის 141-ე მემკვიდრეს მცხეთის საყდარზე (ტახტზე) აღსაყდრებულს”- წერს დეკანოზი.
შიო III საქართველოს 142-ე კათოლიკოს-პატრიარქად 12 აღსაყდრდა – ახალი პატრიარქი საქართველოს მართლმადიდებელმა ეკლესიამ გუშინ, სინოდის სხდომაზე აირჩია. შიო III-მ სინოდის 22 წევრის ხმა მიიღო.
შეგახსენებთ, სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში 2026 წლის 17 მარტს გარდაიცვალა, რის შემდეგაც დღის წესრიგში დადგა საქართველოს მართლმადიდებელი ეკლესიის ახალი მამამთავრის არჩევის საკითხი.