დიუშენის სინდრომით დაავადებული ბავშვების მშობლებმა ღამე ისევ მთავრობის კანცელარიასთნ გაათენეს. დღეს პროტესტის 24-ე დღეა, მაგრამ “ქართული ოცნება” დედების მოთხოვნებს ისევ არ იმჩნევს.
მშობლები ითოხოვენ წამალს, რომელიც მათი შვილების სიცოცხლისთვის გადამწყვევეტია. რეაგირებას ქუჩაში გამოსული მშობლები ელოდებიან საპატრიარქოსგანაც.
პროტესტის მონაწილეები ამბობენ, რომ მათ სხვა გზა არ დარჩენიათ გარდა პროტესტისა, გამომდინარე იქიდან, რომ სასწორზე მათი შვილების სიცოცხლე დევს. მათი თქმით, იბრძოლებენ იქამდე, ვიდრე შვილებისთვის წამალს არ მიიღებენ.
“ბრძოლა გაგრძელდება დიდხან აუცილებლად, რამდენი დღეს არ უნდა დასჭირდეს, რომ იქნება გამოვაფხიზლოთ ეს ჩვენი მთავრობაც. საზოგადოებას რაც შეეხება, ძალია დიდი თხოვნით მივმართავ სულყველას, მიიტანონ გულთან და ეს მშობლები წვიმაში, გუშინ ისეთი ცუდი ამინდი იყო, რომ გაუსაძლის პირობებში იყვნენ. უკვე კარებთანაა მომდგარი სიკვდილი და ძალიან მიჭირს ამის ლაპარაკი, გვინდა წამალი და სიცოცხლე გაუხანგრძლივდეთ. მოვუწოდებ ამ მთავრობასაც, რომ გამოფხიზლდნენ, გამოიღვიძონ, ეს არ შეწყდება, არანაირად არ შეწყდება, მეტად გავფართოვდებით”, – ამბობს მშობელი.