მარდის ეკლესიიდან სომხური სამოციქულო და მართლმადიდებლური ხატები უცნობმა პირებმა გაიტანეს და ნაგვის ურნასთან დაყარეს. შემთხვევა სავარაუდოდ 10 მაისის ღამეს მოხდა. ამის შესახებ ინფორმაციას TOK2REGION-ი სომხური სამოციქულო ეკლესიის წინამძღვარზე მამა აკოფ სააკიანზე დაყრდნობით ავრცელებს.
ჩვენ ნამდვილად არ ველოდებოდით ჩვენი თანამოქალაქეებისგან ასეთ ვანდალურ ფაქტს. ტაძრიდან სრულად გატანილი იყო სომხური სამოციქულო ეკლესიის ხატები, მათ შორის მართლმადიდებლური ხატებიც. თიტქმის ყველა ხატი ურნასთან იყო დაყრილი. ჩვენ ხატები ისევ შევიტანეთ ტაძარში და მივმართეთ სამართალდამცავ ორგანოებს, რათა გამოიძიონ აღნიშნული ვანდალური ფაქტი, – ამბობს მამა აკოფ სააკიანი.
მომხდარზე შსს-მ გამოძიება სსკ-ს 155 მუხლი აღიძრა, რაც რელიგიური წესის აღსრულებისთვის უკანონოდ ხელშეშლას გულისხმობს.