ლონდონის სამეფო ოპერის თეატრი დემოკრატიის მხარდამჭერი პროტესტის გამო დაპატიმრებული ქართველი ბანის გათავისუფლებას ითხოვს და მოუწოდებს პრემიერ სტარმერს ჩაერიოს პაატა ბურჭულაძის საქმეში – წერს გამოცემა The Guardian.
„ლონდონის სამეფო ოპერის თეატრმა მოუწოდა ბრიტანეთის პრემიერმინისტრ კირ სტარმერს, ჩაერიოს მსოფლიოში აღიარებული ბანის, პაატა ბურჭულაძის საქმეში. მომღერალი საქართველოში ოქტომბრის შემდეგ პატიმრობაში იმყოფება ქვეყნის ავტორიტარი ლიდერის წინააღმდეგ გადატრიალების მცდელობის ბრალდებით
71 წლის ხელოვანი გამოდიოდა სამეფო ოპერის თეატრსა და ნიუ-იორკის მეტროპოლიტენ ოპერაში; ის თანამშრომლობდა ისეთ ლეგენდებთან, როგორებიც არიან ლუჩიანო პავაროტი, პლასიდო დომინგო და ხოსე კარერასი. ბურჭულაძე თბილისში, პრეზიდენტის სასახლის წინ გამართულ საპროტესტო აქციაზე შეერთების შემდეგ დააკავეს. გასულ კვირას მას შვიდწლიანი პატიმრობა მიესაჯა, რაც თავად ბურჭულაძემ სასამართლოზე, მისი ასაკის გათვალისწინებით, სამუდამო განაჩენად შეაფასა” – წერია სტატიაში.