კიევისა და სრულიად უკრაინის მიტროპოლიტი ეპიფანე შიო III-ს პატრიარქად არჩევას ულოცავს.
“ღვთის კურთხევითა და საქართველოს მართლმადიდებელი ეკლესიის წმინდა სინოდის გადაწყვეტილებით, სრულიად საქართველოს ახალ კათოლიკოს-პატრიარქად დღეს სენაკისა და ჩხოროწყუს მიტროპოლიტი შიო (მუჯირი) აირჩიეს. გულითადად ვულოცავ დობილი საქართველოს მართლმადიდებელი ეკლესიის ახლადარჩეულ წინამძღოლს ამ მაღალი და საპასუხისმგებლო მოწოდების მიღებას – პირველთიერარქიული მსახურების აღსრულებას ქართველი ხალხისა და მინდობილი ეკლესიის სისრულის გადასარჩენად.
ახლადარჩეული პატრიარქი მსახურებას იწყებს მისი წინამორბედის, ნეტარხსენებული კათოლიკოს-პატრიარქის ილია II-ის მრავალწლიანი ღვაწლის შემდეგ, რომლის ცხოვრება და შრომა გახდა ქრისტესადმი ერთგულების, ეკლესიისადმი თავდადებული მსახურებისა და საკუთარ ხალხზე სულიერი მზრუნველობის მაგალითი. მისი წვლილი მართლმადიდებლური სარწმუნოების, საეკლესიო ტრადიციების შენარჩუნებასა და ხალხთა ღირსებისა და თავისუფლების მხარდაჭერაში სამუდამოდ დარჩება მართლმადიდებლობის ისტორიაში.
ვუსურვებ ახლადარჩეულ პატრიარქს მრავალჟამიერ და დალოცვილ მსახურებას, სიბრძნეს, სულიერ ძალასა და ღვთის შეწევნას ქართველი ხალხის სულიერ ლიდერად ყოფნის გზაზე. დაე, უფალმა აკურთხოს საქართველოს მართლმადიდებელი ეკლესიის ცხოვრების ახალი ეტაპი და ატაროს იგი ჭეშმარიტების, სიყვარულისა და მშვიდობის გზით” – ნათქვამია გავრცელებულ მიმართვაში.
დღეს წმინდა სინოდმა 22 ხმით საქართველოს ახალ კათოლიკოს-პატრიარქად შიო III აირჩია. შედეგები ასეთია: შიო III 22 ხმა; მეუფე იობი – 9 ხმა; მეუფე გრიგოლი – 7 ხმა; გაუქმდა 1 ხმა.