დმანისისა და აგარაკ-ტაშირის ეპისკოპოსის, ზენონ იარაჯულის განცხადებით, მან ხმა მეუფე იობს მისცა. მაღალმა იერარქმა პატრიარქობა მიულოცა მეუფე შიოსაც და ახალი კათოლიკოსი ტიტულით მოიხსენია.
“მეუფე იობს გამოვუცხადე ნდობა, რომ მე დიდ პატივს ვცემ მის მონაზვნურ ცხოვრებას, ღვაწლს საქართველოს ეკლესიაში. ყველაფერი ნორმალურად ჩატარდა, არჩეულ იქნა მეუფე შიო ხმათა უმრავლესობით. მე მას ვუსურვებ მხოლოდ კარგს, როგორც ადრე ვთქვი ტელევიზორში. იცით , რომ მე არ მიძნელდება არც ქება ადამიანის და არც პოზიციის გამოხატვა. მას ვუსურვებ წარმატებას, რომ ემსახუროს საქართველოს და საქართველოს ეკლესიას. მე იგი უნდა მოვიხსენიო ტიტულით – მისი უწმინდესობა და უნეტარესობა შიო. ჩვენს შორის არანაირი…. ისიც ცივილიზებულია და მეც”, – განაცხადა მეუფე ზენონმა.
საქართველოს ახალი, რიგით 142-ე პატრიარქი 57 წლის მიტროპოლიტი შიო, [ერისკაცობაში ელიზბარ თეიმურაზის ძე მუჯირი] გახდა. საქართველოს კათოლიკოს- პატრიარქი გაფართოებულ საეკლესიო კრებაზე მეუფე შიომ 22 ხმა მიიღო.
ურბნისისა და რუისის ეპარქიის მიტროპოლიტმა იობმა 9 ხმა მიიღო, ფოთისა და ხობის მიტროპოლიტმა გრიგოლმა კი 7 ხმა. გაუქმდა ერთი ხმა.