დიუშენის სინდრომით დაავადებული ბავშვების მშობლები პროტესტს უკვე 22-ე დღეა აგრძელებენ. აქციის მონაწილეები მთავრობის ადმინისტრაციასთან ღამეს ათევენ და სახელმწიფოსგან ძვირადღირებული მედიკამენტის დაფინანსებას ითხოვენ.
მშობლების განცხადებით, პრეპარატი, რომელიც ამერიკისა და ევროპის რამდენიმე ქვეყანაში უკვე გამოიყენება, საქართველოში კვლავ არ არის ხელმისაწვდომი.
აქციის ორგანიზატორები აცხადებენ, რომ მოთხოვნა უცვლელია — სახელმწიფომ შესაბამისი პრეპარატის დაფინანსებაზე გადაწყვეტილება უნდა მიიღოს.
დღესვე დაანონსებულია დიუეშენის სინდრომით დაავადებული ბავშვების მხარდამჭერი კიდევ ერთი აქცია. მშბლები მოქალაქეებს მოუწოდებენ, გვერდში დაუდგნენ, რადგან მხოლოდ ხალხის გვერდში დგომით არის შესაძლებელი შედეგის მიღწევა.
“ჩვენ ვაგრძელებთ უწყვეტად აქ ყოფნას და როგორც ყოველ ორშაბათს, დღესაც 17:00 საათზე შევიკრიბებით მშობლების და მხარდამჭერები და შევუძახებთ ხელისუფლებას, რომ დიუშენი არ იცდის და მათი უმოქმედობა არის დანაშაული. უნდა გამოვაფხიზლოთ ისინი კაბინეტებში და შევახსენოთ, რომ ამ ბავშვების ჯანმრთელობა ყოველდღე უარესდება და სახელმწიფო ვალდებულია, დროზე შემოიტანოს წამალი. თუ გვექნება ხალხის მხარდაწერა, მაშინ ჩვენ მივიღებთ შედეგს, თუ არ გვექნება, მაშინ კიდევ დიდხანს მოგვიწევს აქ დგომა” – ამბობს კახა წიქარიშვილი.
მთავრობის ადმინისტრაციასთან საპროტესტო აქციები ყოველდღიურად მიმდინარეობს.