მეტეოროლოგი, კობა ფარტენაძე უახლოესი დღეების ამინდის პროგნოზს აქვეყნებს.
„მომდევნო დღეებში საქართველოში საგრძნობლად დათბება.
დასავლეთ საქართველოსა და სანაპირო კურორტებზე მოსალოდნელია უნალექო ამინდი, ხოლო აღმოსავლეთში სითბოს ფონზე საღამოობით შესაძლებელია ხანმოკლე წვიმა და ელჭექი.
სანაპირო კურორტებზე ჰაერის ტემპერატურა მოიმატებს +23, +25 გრადუსამდე, ხოლო აღმოსავლეთ საქართველოში და დასავლეთის დაბლობზე +25, +27 გრადუსამდე.
გაზაფხულის ძალა – მზიანი დღეები და სითბო ისევ ბრუნდება ჩვენს ყოველდღიურობაში. ვარდობის თვე იყოს ახალი დასაწყისის და თქვენი ბედნიერების სიმბოლო”,- წერს ფარტენაძე.