ალერგიისა და იმუნოლოგიის ცენტრი განცხადებას ავრცელებს და საზოგადოებას საჭირო ინფორმაციას აწვდის სჭირო ინფორმაციას – როგორ უნდა გავიგოთ გვაქვს თუ არა ალერგია ბზიკის ნაკბენზე და რა უნდა მოვიმოქმედოთ.
“ინსექტური ალერგია ფუტკრის და ბზიკის შხამის მიმართ
ზაფხულის ერთ-ერთი გამოწვევაა ინსექტური ალერგია ფუტკრისა და ბზიკის შხამის მიმართ. იგი სამართლიანად არის მიჩნეული სიცოცხლისთვის საშიშ ალერგიულ რეაქციად. ანაფილაქსიის გამოწვევის მაღალი რისკის გამო, ამ დაავადებას შუძლია ადამიანის სიცოცხლეს სერიოზული საფრთხე შეუქმნას.
რეაქცია, მწერის მიერ დანესტვრიდან, წუთებში ვითარდება და მოქმედებისთვის ძალიან ცოტა დრო რჩება.
პირველადად განვითრებული რეაქციის შემთხვევაში, თუნდაც ის ყოფილიყო მსუბუქი, უმჯობესია ჩაიტაროთ გამოკვლევა და განისაზღვროთ სისხლში ამ მწერების შხამის მიმართ ანტისხეულების არსებობა, რადგან მეორედ იგივე მწერის მიერ დანესტვრა, შეიძლება იყოს უკვე ისეთი სერიოზული, რომ გამოიწვიოს ანაფილაქსია (ხორხის შეშუპება, სუნთქვის გაძნელება, გონების კარგვა, წნევის ვარდნა და გულის გაჩერებაც კი).
ინსექტური ალერგიის ანალიზურად დადასტურების შემთხვევაში, ალერგენსპეციფიკური იმუნოთერაპია (ალერგიული ვაქცინაცია) არის სასიცოცხლოდ მნიშვნელოვანი ერთადერთი მკურნალობა მომავალში მწერის ნაკბენზე ანაფილაქსიის განვითრებისაგან თავის დასაცავად.
იმუნოთერაპიას გადაურჩენია ისეთი პროფესიის ადამიანები, რომლებიც თავისი საქმიანობით მიეკუთვნებიან მაღალი რისკის მქონე ადამიანთა ჯგუფს: მეფუტკრე, მინდორსა და ბუნების ღია სივრცეში მომუშავე ადამიანები.” – წერია განცხადებაში