პარტია „გახარია საქართველოსთვის“ ჟურნალისტ გელა მთივლიშვილზე „ფიზიკურ თავდასხმას კატეგორიულად გმობს“. ამის შესახებ პარტიის განცხადებაშია ნათქვამი.
„მედიის წარმომადგენლების მიმართ ხელისუფლების აგრესია და ძალადობის მასობრივი დაუსჯელობა ჟურნალისტებისთვის იწვევს ფიზიკური უსაფრთხოების რისკებს, რაზეც სრული პასუხისმგებლობა “ოცნებას” ეკისრება.
მოვუწოდებთ სამართალდამცავ ორგანოებს სწრაფი და ობიექტური რეაგირებისკენ!“, – ნათქვამია განცხადებაში.
ცნობისთვის, საქართველოს შინაგან საქმეთა სამინისტრომ ჟურნალისტ გელა მთივლიშვილზე თავდასხმის ფაქტზე გამოძიება დაიწყო.
თავდასხმის შესახებ ინფორმაცია ჟურნალისტმა გელა მთივლიშვილმა თავად გაავრცელა. როგორც მთივლიშვილი “ფეისბუქზე” წერს, თავდასხმის შედეგად სახე დაუზიანდა.