ირაკლი კობახიძე ლევან ხაბეიშვილზე, ზვიად მასაშვილსა და გურამ როგავაზე თავდასხმის ბრალდებით დაკავებული ძალოვანების შესახებ პირველ კომენტარს აკეთებს.
ჩვენ გვაქვს ჩვენი ხელწერა, ამბიცია, რომ ვიმოქმედოთ ევროპულზე და ამერიკულზე მაღალი სტანდარტით – ამბობს კობახიძე.
მისი თქმით, “ამ ხელწერის სტანდარტის დასაცავად”, დაუსჯელი არ დარჩეს, ძალის გადამეტების არცერთი შემთხვევა და სწორედ ამ დამოკიდებულების გამოხატულება იყო გუშინდელი ფაქტი, როცა პროკურატურამ 3 მოქმედი, ერთი ყოფილი სპეცრაზმელი და ერთი შსს-ს დაცვის თანამშრომელი დააკავა.
“გუშინ დაკავებული იქნა ძალოვანი სტრუქტურების 5 წარმომადგენელი, რომლებსაც ბრალად ედებათ კონრეკტულ პირებზე ძალადობაში, ფასული წლის ნოემბერ-დეკემბერში ძალადობრივი მიტინგების მიმდინარეობისას, ამ ფაქტმაც დაადასტურა სამართალდაცავი ორგანოების კოორდინაციის განსაკუთრებული მნიშვნელობა. ჩვენ გვაქვს ჩვენი ხელწერა, ამბიცია, რომ ვიმოქმედოთ ევროპულზე და ამერიკულზე მაღალი სტანდარტით, ჰუმანურობის მაღალი სტანდარტით, მასინაც, როცა სახელმწიფოს უწევს დაუპირისპირდეს კონსტიტუციური წყობილების შეცვლის ძალადობრივ მცდელობებს. ეს ხელწერა კიდევ ერთხელ ვაჩვენეთ, ძალიან მნიშვნელოვანია ამ ხელწერის სტანდარტის დასაცავად, დაუსჯელი არ დარჩეს, ძალის გადამეტების არცერთი შემთხვევა, სწორედ ამ დამოკიდებულების გამოხატულება იყო, გუშინდელი ფაქტი. როდესაც ვხედავთ სამართალდარღვევას, იქ სახელმწიფო რეეაგირება აუცილებელია”- განაცხადა კობახიძემ
შეგეხსენებთ, რომ 7 მაისს, ლევან ხაბეიშვილზე, გურამ როგავასა და ზვიად მაისაშვილზე თავდასხმის ბრალდებით 3 ყოფილი და 1 მოქმედი სპეცრაზმელი, ასევე დაცვის პოლიციის მოქმედი თანამშრომელი დააკავეს – განცხადება საქართველოს მთავარმა პროკურორმა გიორგი გვარაკიძემ გააკეთა.
ირკვევა, რომ 5-დან ორი, სხვადასხვა სისხლის სამართლის საქმეზე მიმდინარე გამოძიების ფარგლებში, უკვე პატიმრობაში იმყოფება.