ღარიბაშვილის ოჯახის წევრები ილუზიაში არიან – ასე ეხმაურება “სტრატეგია აღმაშენებლის” ლიდერი, გიორგი ვაშაძე დაკავებული ექს-პრემიერის ცოლის ძმა, ალექსნადრე თამაზაშვილის მიერ გავრცელებულ განცხადებას, რომლის მხიედვითაც ის ფიქრობს, რომ ევროპარლამენტის მიერ მომზადებულ ანგარიშში ირაკლი ღარიბაშვილის პატიმრობის შესახებ ჩანაწერი, პროვოკაციული ნაბიჯია.
ვაშაძის შეფასებით, ღარიბაშვილის ოჯახის წევრები ფიქრობენ, რომ თუ მეტად დაუხრიან თავს “რეჟიმს”, უფრო მალე გაათავისუფლებენ პატიმრობიდან ექს-პრემიერს.
“ვფიქრობ, რომ ღარიბაშვილის ოჯახის წევრები ილუზიაში არიან, რომ თუ მეტად დაუხრიან თავს რეჟიმს, უფრო მალე გაათავისუფლებენ საკუთარ ოჯახის წევრს საპატიმრო დაწესებულებიდან.”, – ამბობს გიორგი ვაშაძე.
ევროპარლამენტის მიერ მომზადებულ ანგარიშში ირაკლი ღარიბაშვილის პატიმრობის შესახებ ჩანაწერი, პროვოკაციული ნაბიჯია – ამის შესახებ განცხადება გუშინ ღარიბაშვილიც ცოლის ძმამ, ალექსნადრე თამაზაშვილმა გაავრცელა.