ლევან ხაბეიშვილის დედა, მარინა კოტრიკაძე შვილზე თავდამსხმებელების დაკავების შემდეგ “ტვ პირველის” ეთერში საუბრობს:
“რატომ დაისაჯა ის სამი შემსრულებელი? სამიდან მე მგონი ორი ციხეშია უკვე. რატომ არ ისჯებიან ის ორგანიზატორები, ვინც გასცეს დავალება? და თუ თქვენი კეთილი ნება იყო, რატომ 2 წლის წინ არ გამოიძიეთ ეს ყველაფერი?.. არ იყო კეთილი ნება და არც გამოიძიეს, ახლა რისთვის დასჭირდათ, არ ვიცით, ახსნა არა გვაქვს… ვერ გავიგეთ მაინცდამაინც დღეს რატომ დასჭირდათ აი ამ ადამიანების ვითომდა დასახელება და ვითომ დაჭერა. ეს არ არის სამართლიანობა” – ამბობს ლევან ხაბეიშვილის დედა მარინა კოტრიკაძე TV პირველის ეთერში მას შემდეგ, რაც გენერალურმა პროკურორმა გიორგი გვარაკიძემ განაცხადა, რომ ლევან ხაბეიშვილზე, გურამ როგავასა და ზვიად მაისაშვილზე თავდასხმის ბრალდებით 3 ყოფილი და 1 მოქმედი სპეცრაზმელი, ასევე დაცვის პოლიციის მოქმედი თანამშრომელი დააკავეს .