ბრალდებული გიორგი უძილაური ბრალს არ ეთანხმება – ვფიქრობ, საქმეში არც საქართველოს ინტერესების საზიანო და არც უცხო ქვეყნის სპეცსამსახურებთან რაიმე კავშირის დამადასტურებელი ინფორმაციაა, – ამის შესახებ მედიას ჯაშუშობის მუხლით დაკავებული გიორგი უძილაურის ადვოკატმა ბექა გულედანმა განუცხადა.
გულედანის ცნობით, უძილაურის საქმეს გრიფი “სრულიად საიდუმლო” დაედო.
მისივე თქმით, საქმე მრავალტომიანია.
“პატიმრობის გამოყენების შუამდგომლობას არ დავეთანხმეთ. იმის გათვალისწინებით, რომ ბრალს არ ვაღიარებთ და ვთვლით, რომ საქმეში მტკიცებულებები არ არის იმისთვის, რაც ჯაშუშობის მუხლით ბრალად აქვს შერაცხული, აქედან გამომდინარე, ჩვენი პოზიცია ბრალდებულის აღკვეთის ღონისძიების გარეშე დატოვება იყო, რაც სასამართლომ არ გაიზიარა.
ბრალდებული დუმილის უფლებას იყენებს. მას საერთოდ არ უსაუბრია.
საქმეს გრიფი “სრულიად საიდუმლო” ადევს”, – განაცხადა ბექა გულედანი.
გიორგი უძილაურის სასამართლო პროცესი დაწყებისთანავე დაიხურა. ბრალდებულს აღკვეთ ღონისძიებად პატიმრობა შეეფერდა.