საჯარო მოსამსახურეთა დამოუკიდებელი პროფესიული კავშირი აცხადებს, რომ საქართველოს რკინიგზიდან დასაქმებულთა გათავისუფლებები დაიწყო:
“დაიწყო დასაქმებულთა გათავისუფლებები სს “საქართველოს რკინიგზიდან”. პროცესი უკვე ასობით თანამშრომელს შეეხო და არსებული ინფორმაციით, შესაძლოა 1000-მდე ადამიანს მოიცავდეს.
მივიჩნევთ, რომ ასეთი მასშტაბის გადაწყვეტილება ვერ იქნება მხოლოდ შიდა ორგანიზაციული საკითხი. ეს არის სოციალური საკითხი, რომელიც პირდაპირ ეხება ადამიანებს, მათ ოჯახებს და მათი ცხოვრების სტაბილურობას. განსაკუთრებით მნიშვნელოვანია, რომ საზოგადოებას ჰქონდეს მკაფიო პასუხები, რამდენად სამართლიანად და კანონის სრული დაცვით მიმდინარეობს ეს პროცესი.
ჩვენთვის პრინციპულია, რომ ნებისმიერი რეორგანიზაცია ან რეფორმა ეფუძნებოდეს გამჭვირვალობას, დასაბუთებულ კრიტერიუმებს და დასაქმებულთა უფლებების სრულ დაცვას. გადაწყვეტილებები, რომლებიც ასობით ადამიანს სამუშაოს გარეშე ტოვებს, საჭიროებს არა მხოლოდ ეკონომიკურ არგუმენტებს, არამედ მაღალი სოციალური პასუხისმგებლობის განცდას.
საჯარო მოსამსახურეთა დამოუკიდებელი პროფესიული კავშირი იწყებს პროცესის შესწავლას და სამართლებრივ შეფასებას.
მივმართავთ გათავისუფლებულ თანამშრომლებს, თუ თვლით, რომ თქვენი შრომითი უფლებები დაირღვა, მოგვმართეთ. ჩვენ გაგიწევთ უფასო სამართლებრივ კონსულტაციას და საჭიროების შემთხვევაში დავიცავთ თქვენს ინტერესებს.
დასაქმებულის უფლებები და ღირსება უნდა იყოს დაცული ნებისმიერ ვითარებაში” – წერს საჯარო მოსამსახურეთა დამოუკიდებელი პროფესიული კავშირი კონსტიტუციის 78 მუხლი.