ვრცელდება Trump Tower-ის რენდერის ფოტო, რომლის აშენებასაც თბილისში, ყოფილი იპოდრომის ტერიტორიის მიმდებარედ გეგმავენ – ფოტოს გამოცემა Newsweek აქვეყნებს.
18 აპრილს Wall Street Journal-მა გაავრცელა ინფორმაცია, რომ თბილისში 70-სართულიანი ცათამბჯენის – Trump Tower მშენებლობა იგეგმება. ის ყოფილი იპოდრომის ტერიტორიის მიმდებარედ განთავსდება. მათივე ცნობით, პროექტი “საცხოვრებელ აპარტამენტებს, პრემიუმ კლასის სავაჭრო სივრცეებსა და სხვა ინფრასტრუქტურას გააერთიანებს”. Trump Tower-ის ადგილობრივი პარტნიორები Biograpi Living, Archi Group, The Sapir Organization, Blox Group და Finvest Georgia იქნებიან.